چهارشنبه ۱۳ شهریور ۱۳۹۸ - ۱۴:۱۳
کد خبر55875

تبریز بلدیه رئیسی:
اوشاقلارین حقوقونا دقت ائتمک توسعه و انکشافین تمل داشی دیر / تبریز اوشاق حقوقونا دقت ائتمک ده بیرینجی دیر

ایرج شهین باهر

تبریز بلدیه رئیسی دئدی: تبریز ده اوشاقلارین حقوقونا دقت ائتمک یوز ایلدن چوخ کئچمیشی سی واردیر.

ایرج شهین باهر دئدی: بو شهر ده یوز ایل قاباق باغچه بان طرفیندن کارلار و ائشیتمه ین لر اوچون مکتب لر آچیلیب و بو شهر ده بیرینجی دفعه اولاراق اوشاق ادبیاتی نشر ائدیلیب دیر.

ایرج شهین باهر «اوشاقلار حقوقو  یای مکتبینین» آچیلیش مراسمینده (مدرسه تابستانی حقوق کودک)دئدی: اوشاق لار حقوقونا دقت ائتمک تبریزده قدیمی مبحث دیر. اوشاق و اوشاغین حقوقونا دقت ائتمک توسعه و انکشافین تمل داشی دیر.

بلدیه رئسی دئدی: بلدیه بوتون اهالی یه خدمت ائتمه لی دیر. اوشاقلار موضوعسوندا دا اونلارا دقت ائتمک بوتون اهالی و جامعه نین خیرینه دیر و داها آرتیق اهمیتی واردیر.

ایرج شهین باهر دئدی: اینانیریق کی توسعه و انکشافا چاتماق اوچون لاپ اوجوز و صرفه لی یولو اوشاقلارا هزینه ائتمک دیر. چون تربیه گورموش اوشاق، گله جک ده چوخلو خرجلری خصوصا شهری اداره ائتمه خرجلرینی آزالداجاقدیر.

ارسال نظر

شما در حال ارسال پاسخ به نظر « » می‌باشید.
3 + 0 =