یکشنبه ۱۰ شهریور ۱۳۹۸ - ۱۲:۱۷
کد خبر55798

تبریز بلدیه سینین اجتماعی رابطه لر و بین الملل علاقه لر مدیری:
تبریز محرم ایامی اوچون حاضیرلانیب

اکران بیلبوردهای ماه محرم

تبریز بلدیه سینین اجتماعی رابطه لر و بین الملل علاقه لر مدیری 30 بیلبورد و عرشه نین شهرین مختلف یئرلرینده اکران اولونماسیندان و شهرین فضاسین محرام ایامی اوچون حاضیرلانماسیندان خبر وئردی.

سعید حاجی زاده محرم آیینین گلمه سی و شهیدلر سالاری حضرت امام حسین (ع) شهادت گونلرینین تسلیت دئیه رک آرتیردی: شهرین مختلف بویوگ معبر و میدانلاریندا محرم آینین عزیزلمه سی و معنوی فضا یاراتماق اوچون قارا پرچم لر آسیلیب و شهرین سیماسی بوگونلره گوره حاضر اولوب دور.

او بیلبوردلار و کؤرپولرین عرشه لرینده، محرم گونلرینه مناسب اولان مدنی فرهنگی طرح لرین اکرانیندان خبر وئریب آرتیردی: بو ایل تبریز همشهریلریمیزه تانیش اولان قدیمی محرم شعرلر و سوزلر بو بیلبوردلاردا ایشله نیلیب دیر.

حاجی زاده دئدی: بو طرح لر مشهور قدیمی، «حسینه یئرلر آغلار گویلر آغلار»، «یئل یاتار طوفان یاتار یاتماز حسینین پرچمی»، «جانیمیز اولسون سنه قوربان حسین، ماه محرم اولدی ساخلا عزاحسینه»، «زهرا دئدی حسین وای عالم نوایه گلدی»، «ای شه مظلوم حسین وای وای بی کس و مظلوم حسین وای وای»، «حسینین نوحه سین دلریش یازاندا مسلمان سهل دیرکی کافر آغلار» و «ماه محرم اولدی عالم سراسر آغلار مظلوم اولن حسینه جدی پیمبر آغلار» مزین اولونوب دور.

ارسال نظر

شما در حال ارسال پاسخ به نظر « » می‌باشید.
4 + 10 =