شنبه ۹ شهریور ۱۳۹۸ - ۱۲:۰۵
کد خبر55779

تبریز شوراسینین عضوو:
تبریزین تاریخی میراثی نی قوروماق اوچون سیناق و سحو فرصتیمیز یوخدور

اجلاسیه اوراسیا

تبریزین اسلامی شوراسینین عضوو دئدی: شهریمیزین تاریخی و مدنی میراثینی قوروماق اوچون دونیا داکی تجربه لردن استفاده ائتمه لییک.

فریدون بابایی اقدم اوراسیا شهرلرینین توسعه و انکشاف اجلاسینین آچیلیش مراسمینده دئدی: بو اجلاس، تبریز اوچون دونیاداکی تجربه لردن فایدالانماغا بیر فرصت دیر و بیز بو امکانی شهریمیزه یارادان قارداشلاریمیزدان تشکور ائدیریک.

او مختلف دولت لرده اعلان اولونان بیرلشمیش ملت لرین ( un happy tat (  تعلیماتینا (دستورالعمل) اشاره ائده رک دئدی: بو تعلیمات چرچیوه سینده شهرلرین داواملی انکشاف پلانینینا 11 هدف و آماج تعریف لنیب و 2030نجو ایله قدر بو هدف لره چاتمالیدیر.

تبریزین اسلامی شوراسینین معمارلیق و شهر تیکمه کمیسیونونون رئیسی دئدی: بو تعلیماتین قایدالارینین اساسیندا بیزیم شهر تیکمه پلانیمیز، بوتون ذینفع گروه لارین مشارکت و اشتراکی، ایمن و تهلوکه سیز، محکم و احاطه لری (همه شمول) اولمالی دیر.

فریدون بابایی اقدم بو اجلاسدا اشتراک ائدن مختلف اجرایی تشکیلاتلارین اولماسینی چوخ دیرلی و فایدالی بیلیب آرتیردی: بو اجلاس مختلف اجرایی تشکیلات لارین اشتراک و ایش بیرلیگیندن بیر اثر و نشانه  اولاراق، چوخ دیرلی بیر ایش دیر.

ارسال نظر

شما در حال ارسال پاسخ به نظر « » می‌باشید.
5 + 6 =