شنبه ۲۶ مرداد ۱۳۹۸ - ۱۲:۲۴
کد خبر55567

ایرج شهین باهر:
همشهری لرین ساغلیق و شادلیقی بلدیه اوچون اهمیت لی دیر

شهردار تبریز

تبریز بلدیه رئیسی دئدی: تبریز بلدیه سی عمومی خدمت لر و وظیفه لری ایله برابر، همشهری لرین شادلیق و ساغلاملیغینا اهمیت وئریر.

ایرج شهین باهر عمومی قاچما مسابقه سی ( همایش دو همگانی) نین سون مراسمینده دئدی: بئله مراسم لر و مسابقه لرین کئچیریلمه سی، ایدمان و ورزشین، ساغلاملیغیمیزا نه قدر تاثیر ائتمه سی اهمیتی نی گوستریر.

او دئدی: شاد و شنلیک لی مراسم لری کئچیرتمک ایله همشهری لریمیز داها آرتیق روحیه لی اولابیلر و بیز چتینلیک لر و مسئله لری داها یاخشی حل ائده بیلریک.

شهین باهر دئدی: بلدیه عمومی خدمت لر و وظیفه لرینین یانیندا همشهری لرین شادلیق و ساغلاملیغینا اهمیت وئریر. بونون اوچون بلدیه نین بوتون تشکیلات لاری مختلف حوزه لرده، اهالی نین شادلیق و ساغلاملیغی اوچون چالیشیرلار.

تبریز بلدیه رئیسی دئدی: توسعه و انکشافین بیر شاخصه و نشانه سی، همشهری لرین شاد و نشاط لی اولماسی دیر. و بیز ایسه هر گون داها آرتیق همشهری لرین شادلیق و ساغلاملیغینی آرزو ائدیریک.

ارسال نظر

شما در حال ارسال پاسخ به نظر « » می‌باشید.
9 + 9 =