چهارشنبه ۲۳ مرداد ۱۳۹۸ - ۱۲:۲۹
کد خبر55518

بلدیه رئیسی ایله شرقی آذربایجانین اسلامی تبلیغات مدیرینین گوروشونده طرح اولوندو:
بلدیه مدنی فرهنگی مسئله لره مثبت یاناشیر/ مدنی هدف لره چاتماق اوچون جوانلاردان استفاده اولونمالی دیر

تبلیغات

شرقی آذربایجانین اسلامی تبلیغات مدیری دئدی: بلدیه نین مدنی و فرهنگی مسئله لره توخونماسینین مثبت بیر حرکت اولماسی هامی اوچون آیدین دیر.

ایرج شهین باهر بوگون شرقی آذربایجانین اسلامی تبلیغات مدیری ایله گوروشده، حجت الاسام حسن شعبانی نین بو سمته تعیین ائدیلمه سینی تبریک دئییب آرتیردی: اسلام دینی بو دونیادا و آخرت دونیاسیندا بوتون انسانلارین هدایت و قورتولوشو اوچون مشخص برنامه سی واردیر.و

شهین باهر دئدی: عموم اهالی نین خصوصا جوانلارین دینی مسئله لره داها آرتیق دقت و توجه ائتمه سی، چتین لیک لر و آخساقلیق لاری آرادان گوتورمک ده فایدالی دیر.

تبریز بلدیه رئیسی، بلدیه ایله شرقی آذربایجان تبلیغات اداره سینین اجتماعی، مدنی فرهنگی ساحه لرده ایش بیرلیک و امکداشلیق ائتمه سینین بو ساحه لرده گوزل اتفاق لارین مسببی اولاجاغینی دئدی.

حجت الاسلام شعبانی دا بو گوروش ده بلدیه نین مدنی و فرهنگی مسئله لره مثبت یاناشماسین بوتون اهالی یه آچیق و آیدین اولماسینی دئییب آرتیردی: بوگون بیزیم جامعه میزده بوتون قشرلرله یاخین ارتباط قوروب دانیشماغیمیز و دینی و تبلیغی مسئله لرده اونلارین مشارکتینی قازانماق بیر ضرورت دیر.

ارسال نظر

شما در حال ارسال پاسخ به نظر « » می‌باشید.
2 + 14 =