شنبه ۱۲ مرداد ۱۳۹۸ - ۱۰:۳۳
کد خبر55352

بو ایل تبریزین یاشیل ساحه سینه 23 هکتار آرتیریلاجاق

68169.jpg

98نجی ایلده تبریز شهرینده 25 بویوک و محله پارکینین احداثی ایله، بو شهرین یاشیل ساحه سینه (فضای سبز) 23 هکتار آرتیریلاجاق.

شهریارنیوز خبر سایتینین یازدیغینا گوره، بونون اوچون تبریزین بوتون محله لرینده کی باغ لار و مناسب مکانلار، بلدیه نین عمرانی معاونتی طرفیندن اینجه له نیب دیر .

بو پارک لار بلدیه رئیسینین اعلام ائتدیی اولویت لر اساسیندا 25 پارک تبریزین مختلف منطقه لرینده احداث اولوناجاق.

طبیب لر پارکی (پارک پزشکان) 7 مین 300 متر مربع مساحتینده و سلامت پارکی دا 35 مین متر مربع مساحت ایله گلکار خیاوانیندا برپا اولونماق حالیندادیر.

بو ایلی پارک ایله برابر نصف راه خیاوانی محدوده سینده یئرلشن صفاری پارکی دا 13 مین متر مربع مساحت ایله و سنتی مصالح دن فایدالانارق سنتی باغ لار متدوندا احداث اولونور.

بونلارلا برابر آخماقیه منطقه سی و بلدیه نین 7نجی منطقه سینده 4.5 هکتارلیق پارک همشهری لره تقدیم اولوناجاقدیر.

رواسان باغلاری دا بلدیه طرفیندن احیا و یئنی دن برپا ائدیلیر. 15 هکتار مساحتینده اولان بو باغلاردان بیری ایندی ۷نجی منطقه بلدیه سی طرفیندن تملک اولوب دور.

ارسال نظر

شما در حال ارسال پاسخ به نظر « » می‌باشید.
6 + 3 =