دوشنبه ۲۴ تیر ۱۳۹۸ - ۱۴:۱۲
کد خبر55087

تبریز شوراسینین عضوو:
تبریزی قدیم زامانلار کیمی باغلار ایله احاطه اولونان بیر شهره چئویرمک شورانین ایده الی دیر

مسعودی ریحان

تبریز شوراسینین عضوو دئدی: 1335نجی ایللرده تبریز شهر- باغ اولاراق تانینیردی. آما ایندی بو شهر بتن -شهره چئوریلیب دیر. بیز ایسه وضعیتی کئچمیش شرایطه قایتارماغا چالیشمالییق.

غلامحسین مسعودی ریحان دئدی: دونیانین مدرن اؤلکه لرینده یاشایش چئوره سی بیرینجی اولویت لردن ساییلیر و هئچ بیر مسئله بونون قدر اهمیتلی دئییل دیر.

مسعودی ریحان دئدی: یاشاییش چئوره سی، بوتون جانلی لارین ساکیت لیک و راحاتلیقلاری ایله ایلگی لی دیر. بو مسئله اؤلکه لرین نه قدر انکشافا دوغرو گئتمه سی ایله برابر داها آرتیق اهمیته مالک اولور.

شورا عضوو سؤزلرینین داوامیندا آرتیردی: بیز، تبریز شهرینین بئشینجی دؤور شوراسیندا یاشاییش چئوره سی اوچون چوخ اهمیت وئره رک، بلدیه رئیسی و شهر اداره سینده چالیشان مدیر لردن شورانین بو قونودا تصویب ائتدیگی بودجه لری اجرا ائدیلمه سینی ایسته دی.

دکتر غلامحسین مسعودی ریحان دئدی: همشهری لریمیزه یاشاییش چئوره سینین اهمیتی قونوسوندا نه قدر بیلگی وئریلیرسه ، یاشیللیق لار اوچون عمومی حساسیت لرین آرتیریلماسینا شاهد اولاجاغیق.

ارسال نظر

شما در حال ارسال پاسخ به نظر « » می‌باشید.
1 + 15 =