دوشنبه ۲۴ تیر ۱۳۹۸ - ۱۴:۰۶
کد خبر55085

تبریز اسلامی شوراسینین شهرتیکمه و معمارلیق کمیسیونونون رئیسی:
45 مئتیرلیک انقلاب خیاوانینین تکلیفی تعیین اولونمالی دیر

بابایی اقدم

تبریز اسلامی شوراسینین شهرتیکمه و معمارلیق کمیسیونونون رئیسی دئدی: 45 مئتیرلیک انقلاب خیاوانینین اهالی سینین سیخینتی لارینی آرادان قالدیرماق اوچون بو خیاوانین تکلیفی تعیین اولونمالی دیر.

فریدون بابایی اقدم  دئدی: توپوگرافیک ندن لر و دلیل لره گوره ، ایده لی دن یوسف آباد و یوسف آباد دان توانیره قدر، 45 مئتیرلیک انقلاب خیاوانینین اجرا ائتمه سی عمل ده امکانسیز دی.

بابایی اقدم دئدی: بو مسئله شورانین مصوب اولموش لایحه سی قالبینده بئشینجی ماده کمیسیونونا گؤندریلمه لی دیر. عینی حالدا بو مسئله تبریزین تفصیلی طرحی ایله ضد اولدوغونا گوره اؤلکه نین عالی شهرتیکمه و معمارلیق شوراسیندا دا مصوب اولونمالی دیر.

تبریز اسلامی شوراسینین شهرتیکمه و معمارلیق کمیسیونونون رئیسی دئدی: بلدیه بو مسئله نی لایحه قالبینده شهر شوراسینا تقدیم ائده جک دیر .

بابایی اقدم دئدی: آدی گلن منطقه لرین اوجالیق فرقی 45 متر دن چوخ اولدوغونا گوره بو خیاوان دا تملک اولونان ملک لرین گئنیش لیگی 300 متردن چوخ اولمالی دیر و بو مسئله ایسه بلدیه نین مالی دورومونو نظرده آلاراق اولاسی دئییل.

ارسال نظر

شما در حال ارسال پاسخ به نظر « » می‌باشید.
6 + 11 =