یکشنبه ۲ تیر ۱۳۹۸ - ۱۲:۵۲
کد خبر54741

تبریز بلدیه رئیسی:
تبریز بلدیه سی وطنداشلیق و همشهری لیک تعلیم لرینی اوشاقلیق چاغیندان اؤیرتمه یه چالیشیر

شهین باهر

تبریز بلدیه رئیسی دئدی: بوتون شهرلرین توسعه و انکشافی او شهرلرده یاشایان اوشاقلار و گله جک نسله باغلی دیر. بونون اوچون بیز همشهری لره و اوشاقلارا شهرچیلیک تعلیمی ویرمه یه سرمایه یاتیرتمالییق.

مهندس ایرج شهین باهر، « تبریزین اوشاق دوستو شهرلرین سیاهه سینه قوشولما امکانی نی آراشدیران اوتورومدا» دئدی: مدرن و انکشاف ائدن اؤلکه لرده، اوشاقلار ائله اولدن شهر مسئله لری و شهرده نئجه یاشاماغی سیستماتیک صورت ده اویرنیرلر.

او پایلوت اولاراق، تبریز شهرینین مدرسه لرینده رسمی  وطنداشلیق تحصیلی (آموزش شهروندی) اجرا اولونماسیندان دانیشیب آرتیردی: کئچن ایل پایلوت اولاراق تبریزین 81 مدرسه سی وطنداشلیق تحصیلی اوجون حاضیرلانیب و بلدیه ایله تحصیلات اداره سینین ایش بیرلیگی ایله 24 عنوان کتاب مدرسه لرده تعلیم وئریلدی.

بلدیه رئیسی دئدی: بو ایل تبریزین مدرسه لرینین بوتون کلاسلاریندا وطنداشلیق تعلیماتی و 24 کتاب اؤیرنیله جک دیر.

ایرج شهین باهر دئدی: مدرن اولکه لرده اوشاقلار حوزه سینده گورولن ایشلر، نئچه ایللر قاباق تبریز ده ده باشلانیلیب دیر. 

ارسال نظر

شما در حال ارسال پاسخ به نظر « » می‌باشید.
8 + 4 =