یکشنبه ۱۹ خرداد ۱۳۹۸ - ۱۰:۲۳
کد خبر54516

تبریز شوراسینین عضوو:
سرمایه گتیرنلر اوچون لازم اولان اساس شرایط لر حاضیرلاناجاق

76067.jpg

تبریز اسلامی شوراسینین عضوو دئدی: تشویقی سیاست لر و تمل لری حاضرلاماق ایله خصوصی شرکت لر ایله برابر دولتی و یاریم دولتی شرکت لری شهریمیزده سرمایه یاتیرتماغا ترغیب و تشویق ائتمک اولار.

شهرام دبیری سرمایه گتیرمک اوچون بلدیه و شورانین چالیشمالارینا توخوناراق دئدی: ارز و خارجی پوللارین نوسانلانماسی و اولکه نین اقتصادی شرایطی، خارجی سرمایه گتیرن لره مناسب شرایط حاضر اولماماسینا ندن اولوب و داخلی سرمایه صاحیب لری ایسه سرمایه یاتیرتماق اوچون اقتصادی توجیهین اولمادیغینی دئییرلر.

دبیری دئدی: سرمایه جذب ائتمک اوچون اساس آدیملار گوتورولمه لی دیر. سرمایه یاتیرتما قایدالاری محکم صورت ده یازیلیب و بو قایدالارا اساسا نظارت ائدن تشکیلات لارین حضورینا میدان تعریف ائتمه لی دیر.

تبریزین اجتماعی و مدنی کمیسیونونون رئیسی دئدی: سرمایه یاتیرتما طرح لری جاذبه لی اولمالی و اقتصادی توجیه مالک اولمالی دیر. بئله بیر شرایط ده سرمایه صاحب لری شهریمیزده سرمایه یاتیرتماغا حاضر اولاجاق لار. اضافه بروکراسی حذف اولونوب و بیر واحد یئردن سرمایه یاتیرتما ایشلرینین اداره ائتمه لیک.

ارسال نظر

شما در حال ارسال پاسخ به نظر « » می‌باشید.
6 + 4 =