یکشنبه ۱۲ اسفند ۱۳۹۷ - ۰۹:۵۰
کد خبر52682

تبریز بلدیه رئیسی:
انقلاب، مقدس دفاع دورانی و یوموشاق محاربه ده قادینلار اهمیتلی رول اویناییبلار

70622.jpg

تبریز بلدیه رئیسی، اسلامی انقلابین ظفر تاپماسی، مقدس دفاع دورانی و یوموشاق محاربه قارشیسیندا قادین لارین اهمیت لی حضوروندان دانیشدی.

ایرج شهین باهر خانم لار گونونون مراسمینده بو گونو تبریک دئیه رک آرتیردی: اسلام دینینده، خانیم لارین یئری اهمیت لی و تاثیرلی بیر یئردی و بیز ایسه انقلاب دان سونرا بو مسئله نی عینی صورت ده گورموشوک.

او مقدس دفاع دورانیندا خانیم لارین فعالیت لرینه دئیینه رک آرتیردی: خانم لار جبهه لرین آرخاسیندا چالیشماق لا و قهرمان ایگیدلر تریبت ائتمک له، وطن اوچون جانلاری ایله دویوشوب لر و بیز بوگونکو امنیت و دینج لیگیمیزی بو اؤلکه نین آنالارینا بورجلویوق.

تبریز بلدیه رئیسی دئدی: آذربایجان و تبریزین افتخارلی تاریخینده بؤیوک و تاثیرلی خانیم لار چوخدور. بو خانیم لار آنا و حیات یولداشی اولدوقلاری حالادا اجتماعی و سیاسی حادثه لرده ده تاثیر ائدیجی ایش لر گؤروب لر.

او حضرت فاطمه زهرا (س) قادین لار اوچون ان یاخشی نمونه بیلیب آرتیردی: حضرت زهرا (س) بالالارینا یاخشی آنا و حیات یولداشینا تایسیز حیات یولداشی اولدوغو حالدا جامعه ده اوز حقیندن مدافعه ائدیب و بونلار اوچون قادین لار اوچون ان یاخشی نمونه و اسوه اولابیلر.

ارسال نظر

شما در حال ارسال پاسخ به نظر « » می‌باشید.
3 + 12 =