دوشنبه ۸ بهمن ۱۳۹۷ - ۱۴:۱۲
کد خبر51991

تبریز بلدیه رئیسی نین قائم مقامی:
انقلابین 40نجی ایل دؤنومو شنلک مراسیمی، کئچمیش ایللردن داها طنطنه لی اولاجاق

68279.jpg

تبریز بلدیه رئیسی نین قائم مقامی دئدی: انقلابین 40نجی ایل شنلک مراسیمی، انقلابی همشهری لریمیزین حضورو ایله، کئچمیش ایللردن داها طنطنه لی اولاجاق.

رسول موسایی تبریز بلدیه سینده برپا اولونان انقلاب شنلیک لرینی اجرا ائتدن تشکیلاتین جلسه سینده دئدی: 40 یاشینا یئتیشمک، تکامل و پیشگینلیک ایللرینه یئتیشمک معناسیندادیر. بیز ده ایندی، انقلابیمیزین تکامل تاپماسینا شاهد اولموشوق.

او دئدی: تبریز بلدیه سی انقلاب ایل دونومونو داها طنطنه لی و نشاط لی قید ائتمک اوچون تدارک لر گوروب.

موسایی آرتیردی: بیز بوتون انقلاب سئون لر ایله برابر بهمن آیینین 22 سینده عظمتلی تظاهرات لار ایله ده اشتراک ائدیب، و بهمن آیینین 29 اوچون مخصوص پلان لار حاضیرلانیب دیر.

تبریز بلدیه رئیسی نین قائم مقامی انقلاب شنلیک لرینده کی مشارکت لرین اهمیتلی بیلیب آرتیردی: بلدیه بوتون اهالی و اداری ارگان لارین انقلاب شنلیک لرینه قاتیلماسی اوچون شرایط حاضیرلاییر و باشقا ارگان لار ایسته دیکلری زامان بلدیه حاضیرلادیغی امکانلاردان فایدالانا بیلرلر.

ارسال نظر

شما در حال ارسال پاسخ به نظر « » می‌باشید.
5 + 3 =