شنبه ۱ دی ۱۳۹۷ - ۱۰:۰۹
کد خبر51371

تبریز بلدیه رئیسی:
بلدیه هنر اهالیسیندن حمایت ائتمه یه حاضردیر

66652.jpg

تبریز بلدیه رئیسی دئدی: تبریز شهرینده چوخ بؤیوک هنرمندلر و صنعتکارلار عرصه یه گلیب و بو ندن له بو شهرده هنر و صنعته داها آرتیق توجه ائتمک لازیم دیر.

مهندس ایرج شهین باهر تبریزین "قیش شنلیک لری" پوسترینین آچیلیشی و چیلله گئجه سی مراسمینده دئدی:  بلدیه لر همشهری لره 300 دن آرتیق خدمت تقدیم ائدیر، اما عینی حالدا بلدیه لرین صنعت و هنر اهالی سینه گوستردیگی ایلگی و اهمیت گرکلی و ضروری دیر.

مهندس شهین باهر دئدی: تبریز شهریندن چوخلو بویوک انسالار عرصه یه چاتیب و افتخارلار یارادیبلار. بیزیم ایسه وظیفه میز شهریمیزین صنعت و صنعتکارلارینین شهرتلرینی و اعتبارلارینی ساخلاییب و اونلاری گله جک نسللره تانیتدیرماقدیر.

او دئدی: هامیمیز گرک هنر اهالیسیینین دغدغه سیز فعالیت ائتمه سینه الیمیزدن گلن ایشلری اسیرگه مه یک. بونون اوچون ده بوتون صنعتچی لر و هنر اهالی سی هنر و مدنیت ساحه سینده اهمیت لی موضوع لاری بیزلرین یادینا سالمالیدیرلار.

دئمه لی، هنر اهالی سی نین ییغینجاغی و تبریزین قیش شنلیک لری پوسترینین آچیلیشی " چیلله گئجه سی" آدلی مراسم ده برپا اولونموشدور.

ارسال نظر

شما در حال ارسال پاسخ به نظر « » می‌باشید.
1 + 1 =